Шығармашыл оқушылар арасындағы «Ақберен» VІІ республикалық онлайн өнер байқауының қорытындысы

 Ағымдағы  жылдың 9-11 желтоқсан күндері аралығында «Шығармашыл оқушылар арасындағы «Ақберен» VІІ республикалық онлайн өнер байқауы» елімізде қалыптасқан қолайсыз пандемиялық жағдайға байланысты алғаш рет онлайн форматта ұйымдастырылды.

Байқауға ұшқыр қаламынан жырдың сұлу тамшылары төгілген ақиық ақындарымыздың жолын қуып, өнер әлемінде қалықтағысы келетін, келешегінен үміт күттіретін мектеп қабырғасында білім алып жүрген талантты жазба ақындар шоғыры жиналды.

Байқаудың ең үздік жеңімпазы мен жүлдегері атану үшін Қазақстанның барлық облыстарынан,   8-11 сынып оқушылары арасында 102 қатысушы бәсекеге түсіп, бақтарын сынады. Солтүстік Қазақстан облысының  намысын қорғап, бәйгеге түскен  6 оқушымыз жүлделі орындарға және марапатқа ие болды. Атап айтсақ:

І дәрежелі диплом  -  Ибраева Амина Азатовна «Өнер колледжі – музыкалық-эстетикалық бейіндегі дарынды балаларға мамандандырылған мектеп-интернат  кешені» КММ, 9 сынып оқушысы «Ұлттық аспапта өнер көрсету» номинациясы;

ІІ дәрежелі диплом- Бекбаулова Алуа  «Қазақ мектеп гимназиясы»КММ, 10 сынып оқушысы «Эссе жазу» номинациясы;

ІІ дәрежелі диплом - Ораз Асанәлі Қанатұлы  «Өнер колледжі – музыкалық-эстетикалық бейіндегі дарынды балаларға мамандандырылған мектеп-интернат кешені» КММ, 9 сынып оқушысы, Ұлттық аспапта өнер көрсету номинациясы;

Солтүстік Қазақстан  облысы командасы Республика бойынша  - ІІІ орынды  қанжығасына байлады.

Барлық қатысушыларға байқауға қатысқаны жөнінде сертификаттар электронды түрде берілді.