2021 жылғы 26 қаңтарда республикалық оқу-әдістемелік кеңесте инновациялық педагогикалық тәжірибеге сараптама жүргізу мәселесі бойынша әдістемелік кабинеттермен жұмыс кеңесі өтті.

 Аталған кеңесте педагогтың кәсіби өсуін сүйемелдеу бойынша әдіскердің рөлі белгіленді. Педагогтің материалдарын рәсімдеу бойынша негізгі мәселелер талқыланды. Сондай-ақ, РОӘК жанындағы сараптамалық кеңесте тәжірибені жалпылау бойынша жадынама ұсынылды, онда педагогтердің іс-қимыл алгоритмі кезең-кезеңімен сипатталған.

 Тәжірибе алдымен жинақталатынын, содан кейін зерттелетінін, содан кейін жалпыланып, таратылатындығын есте ұстаған жөн. Сондықтан тәжірибені жалпылаудың алғышарты диагностикалық деректер болуы керек, соның негізінде тәжірибе озық деп танылады немесе танылмайды.