Бүгін 2021 жылдың 8 ақпанында 9-11 сынып оқушылары арасында жалпы білім беретін пәндер бойынша республикалық олимпиаданың аудандық / қалалық кезеңдері басталды.

Санитарлық-эпидемиологиялық талаптарды сақтай отырып, олимпиадаға 8-12 ақпан аралығында Солтүстік Қазақстан облысының 4 мыңнан астам оқушысы қатысады. Жаратылыстану-математикалық бағыттағы пәндер бойынша тапсырмалар форматы – есептер, биология – тесттер, қоғамдық-гуманитарлық бағыттағы 8 пән бойынша – эссе, шет тілдері бойынша – лексика-грамматикалық тесттер және хат.

Олимпиаданың ашықтығын қамтамасыз ету үшін қатысушылар Zoom, Google Meet платформалары арқылы қосылады.