Ауылдағы оқушылар арасындағы «Мың бала» Ұлттық олимпиадасы 2021 жылдың 2 және 3 сәуірінде өтеді. Ол үшін Нұр-Сұлтан қаласының уақыты бойынша сағат 09:00-ден 21:00-ге дейін тест жүргізіледі.

Айта кетейік, «Мың бала» олимпиадасы финалистердің бәріне Birge oqý Елбасы Академиясында тегін оқуға, ал жеңімпаздарға еліміздегі дарынды балаларға арналған алдыңғы қатарлы мектептердің оқушысы болуға мүмкіндік береді. Атап айтқанда, олар «Білім-Инновация» лицейлерінде, республикалық физика-математика мектебінде және «Дарын» мамандандырылған мектептерінде оқи алады.

Бірінші кезең – логикалық және кеңістіктік ойлауға арналған тест тапсырмалары. Бұл тест 1000bala.elbasyacademy.kz сайтында онлайн форматта жүргізіледі. Тіркелген қатысушылардың @elbasy_academy Instagram-профиліндегі маңызды ақпаратқа назар аударуын сұраймыз.

#1000бала