Ағымды жылдың 20 сәуірі күні «Ашық сабақтар аллеясы» облыстық педагогикалық панорамасы аясында Есіл ауданының «Кинорежиссер Аяған Шәжімбаев атындағы  №3 Явленка орта мектебі»КММ  қазақ тілі мен әдебиеті  пәнінің мұғалімі  Жакупова Әсем Жақсыбайқызы, 9 сыныпта «Бейбітшілік-жаһандық даму кепілі» тақырыбында сабақ өткізді. Орфографиялық және пунктуациялық сауаттылықтарын тексеру үшін қазақ тілімен, рухани құндылықтарды  насихаттау үшін  өзін- өзі тану сабағымен, тарихи мәліметтер алу үшін тарихпен пәнаралық байланыс тиімді болды. Оқушылар  өз ойын шынайы айтып, айтылған сынды дұрыс қабылдап  және ресурстарды орынды қолданды. «Өзін-өзі бағалау» арқылы оқушы сабақтағы белсенділігін және берілген білімді қалай меңгергенін анықтай алды. Сабаққа қатысқан педагог-сарапшылар мұғалімнің жұмысын бағалап, өз ұсыныстарын берді.