Ағымдағы жылдың 4 желтоқсанында Солтүстік Қазақстан облысының 12 педагогі мектепке дейінгі ұйымдар, мектепалды сыныптар және бастауыш мектеп педагогтерінің «Мектепке дейінгі және мектептегі білім берудің сабақтастығы: тәжірибе шеберханасы» ІІІ республикалық онлайн форумына қатысты.

Іс-шарада мектепке дейінгі және бастауыш білім беру буыны арасындағы білім беру, тәрбие және оқу-әдістемелік жұмысты ұйымдастыруда сабақтастық пен үздіксіздікті қамтамасыз етуге бағытталған «Балабақша-бастауыш мектеп» өңірлік сабақтастық бағдарламасы ұсынылған.

Балаларға мектепке дейінгі білім беруден бастауыш мектепке үздіксіз ауысуды қамтамасыз ете отырып, оқытудың жаңа кезеңіне бейімделуге көмектесетін бағдарламалар мен тәсілдерді біріктірудің маңыздылығына ерекше назар аударылды.