ТАМЫЗ КОНФЕРЕНЦИЯСЫ АЯСЫНДА ЖАС ПЕДАГОГТЕРГЕ АРНАЛҒАН СЕКЦИЯ ӨТТІ

Тамыз конференциясы аясында «Білім берудің болашағы – мұғалімнен басталады: жасанды интеллект дәуіріндегі заманауи педагогтің миссиясы» тақырыбында «Құндылықтар мен технологиялар: жасанды интеллект дәуіріндегі жас педагогтің тәрбиелік миссиясы» секциясы өтті.

Секция заманауи білім беру мен тәрбие тәсілдеріне қызығушылық танытқан жас педагогтердің басын қосты.

Кездесудің негізгі өзегі — жасанды интеллекттің мүмкіндіктері және оның заманауи мұғалімнің кәсіби қызметіндегі рөлі.

Қатысушылар төмендегі маңызды бағыттарды талқылады:

оқушылардың құндылықтарын қалыптастыру және «Адал азамат» тұжырымдамасын жүзеге асыру;

білім беру және тәрбие үдерісінде жасанды интеллектті қолдану;

оқушылардың сыни ойлау қабілетін дамыту;

пікірсайыс қызметінде және мектептік қауымдастықтар құруда ЖИ мүмкіндіктерін пайдалану;

сабақтан тыс жұмыстарды ұйымдастырудың заманауи тәсілдері;

жас педагогтің жұмысына арналған практикалық құралдар мен жаңа форматтар.

Спикерлердің баяндамалары, практикалық шеберлік сағаты және интерактивті формат қатысушыларға жаңа технологиялардың мүмкіндіктерін талқылап қана қоймай, оларды нақты педагогикалық тәжірибеде қолдану жолдарын көруге мүмкіндік берді.

Секция тәжірибе, идеялар және практикалық шешімдер алмасатын, заманауи технологияларды білім берудің басты құндылығы — оқушы тұлғасымен ұштастыратын тиімді алаңға айналды.

Жасанды интеллект педагогтің құралдарын өзгертеді, ал оқушының құндылықтарын қалыптастырып, тұлғалық дамуына ықпал ететін және білім берудің болашағын айқындайтын — ұстаз.